منتديات جامعة الاميرة نورة بنت عبدالرحمن

منتديات جامعة الاميرة نورة بنت عبدالرحمن (http://www.nora9.com/vb/)
-   السنة التحضيرية (http://www.nora9.com/vb/f126.html)
-   -   استفسارات دفعه 35 (http://www.nora9.com/vb/t14546.html)

إيدو~ 07-12-2014 02:46 AM

استفسارات دفعه 35
 
مساء الخير 🌸

دفعه 35 مقدرين خوفكم وارتباكم اللي تمرون فيه :(

بس كثره المواضيع اللي تحتوي على نفس الاسئله ..
هنا تجمع لاستفساراتكم وراح نجيب على كل شئ بإذن الله ..



مواضيع قد تفيد احداكن :jicb44:

شرح مبسط لاختبار تحديد المستوى ..

يومي في اللقاء التعريفي

شرح مواد السنه التحضيريه

طالبه مستجده تفضلي هنا

نصائح لبنات التحضيري



لحد يرد :jic34::jicb44:

إيدو~ 07-12-2014 03:22 AM

راح اختصر عليكم البحث واشرح لكم كل شئ بإذن الله وهالموضوع لاستفساراتكم وانا والاداره والمشرفات والطالبات مابنقصر بنجاوب على كل شئ نعرفه ..


اول شئ اختبار تحديد المستوى اختبرتوا الحمدلله .. وكثير استفسارات " كيف اعرف النتيجه ' متى يعلموني انا اي مستوى" كل هالاشياء بتعرفونها لانزل الجدول راح يتضح لك انتي اي ليفل بالانقلش ..

احنا بالترم الاول اختبرنا تحديد مستوى وكان اللقاء التعريفي بيوم واحد وبنفس اليوم طلعنا البطاقه ..
ودفعتكم اختبروهم بس بدون اللقاء التعريفي ..

فننتظر لين يعلنون عن البطاقات الجامعيه وعن اللقاء التعريفي ..

الجداول بعد ماتنزل لكم الارقام الجامعيه .. راح تدخلون هنا

اسم المستخدم حطي رقمك الجامعي يبداء بَ 435
والرمز السري حطي سجلك المدني بعدها بيطلب منك تغيير الرمز السري فحط اللي انتي تبينه بس تكونين حافظته :jicf18:

بعدها ادخلي على الطالب > التسجيل > الجدول الدراسي :jic80:

وبعدها بيطلع لك جدولك بإذن الله بعد مايعلنون عنها .. :jic90:

طيب بعد ماشفتي الجدول كيف تفهمين اي كليه واي كلاس والوقت :confused:

هذي صوره للجدول ..

http://store2.up-00.com/2014-07/1405120375651.jpg


هنا شرح للجدول .. :jicb44:


http://store1.up-00.com/2014-07/1405120201851.jpg



طيب نجي للمواد ..

التحصيري بجامعتنا ترمين :jic9:

ترم تدرسين فيه " انقلش ورياضيات وصحه "
والترم الثاني " مهارات وحاسب وانقلش"

طبعاً راح تكونين ترم صباحي وترم مسائي وهذا الشئ اجباري للكل ومافي تغيير :jic25:

نجي للرياضيات .. :jic90:
طبعاً هو محاضرتين بالاسبوع ..

هي ماده سهله وجميله لطالبات العلمي .. يعني ما اقول صعب للادبي بس لان العلمي دارسينها الثانوي وبالجامعه يصير اعاده .. وبشكل عام الرياضيات*الماث* جججداً سهله والتيتشرات زي العسل
راح يدرسونك سعوديات وسودانيات ومصريات يعني كذا جنسيه انا درسوني سعوديه وسودانيه ..
لاتستغربون من مسأله انو راح يدرسونك تيتشرتين :jicz53:
لان محاضره يسمونها نظري هذي كلها شرح
والمحاضره الثانيه عملي وهذي حل الواجبات والتمارين :jic34:
شرح الماث بيكون عربي والتيتشر بتترجم لكم والمذاكر انقلش والاختبار بالانقلش بعد

الصحه *
ماده بالنسبه لي شوي صعبه ويبي لها حفظ وتركيز لانها ككثيره مره وتلخبط فيبي لها طوله بال وتركيز ولازم تذاكرين للاختبار من بدري :jic63: لان ماراح يمديك تذاكرين200 صفحه بيوم وليله:jic63:
والتيتشرات عربيات يعني ماففي اجانب فلاتخافي لان الشرح والمذاكره عربي :jic9:

الانقلش *
ماده جميللله للمستويات اللي تحت ويدرسونكم اجانب
لاتتعقدون من مسأله ان التيتشر بس تتكلم انقلش صدقوني مع الوقت راح تكلمونها بالانقلش وهي بشكل عام جميلهه وتطورين لغتك واذا ذاكرتيها اول بأول صدقيني انتي الكسبانه :jic90:


الحاسب *
اكيد مافيه ولا وحده ماتعرف للويندوز والمايكرسوفت هذا هو مل منهج الحاسب سههل جداً وبتستسخفونه بالتطبيق العملي
بس بالنظري يحتاجله مذاكره لانك لازم تحفظين المصطلحات والمنهج كله بالانقلش لذال لازم تشوفين كل محاضره بوقتها
والاستاذه تشرح عشان تفهمين السالفه ..

مهارات التفكير *
الماده ككل تتكلم عن تطوير الذات والتفكير الايجابي ومن هالامور ..

الكلام عن ماده الحاسب والمهارات نقلته لكم من تويتر من تجربه البنات.. :jicb44:

إيدو~ 07-12-2014 03:24 AM

وبكذا اكون عطيتكم صوره عامه للدراسه والتحضيري جداً جميللههه وسهله على اللي بيذاكر اول بأول :jic34:
وحطوا ببالكم تجيبون 4 وفوق عشان التخصصات :jicb44:


وراح اشرح لكم مسارات الميترو

هم سكتين

ازرق و ملون ( ينفسجي واحمر واخضر )

المسار الازرق والنبفسجي هذا يمر من الكليات فقط يعني يمر من A1الى A10
المسار الاحمر جميع الكليات مع S1 و S2 اللي هو النادي والسكن
يعني لو ركبتي بالسار الاحمر وكنتي بمحطه 5 راح يوديك S1 و S2 بعدها A4
المسار الاخضر جميع الكليات مع العماده F1 و F2

وهذي للخريطه
http://store2.up-00.com/2014-07/1405121692071.jpg

وهنا شرح المحطات والكليات واماكن تواجدهم ..

http://store2.up-00.com/2014-07/1405121692142.jpg


بشرح نقطه في المحطات عشان تستغلين اكثر وقت .
يعني انتي الحين بمحطه A3 وتبين تروحينA4 اول ماتدخلين الكليه ارفعي راسك فوق شوفي راح يكتب لك رقم المحطه اللي بيروح لها لان فيه ميترو يروح تصاعدي وميترو تنازلي .. اذا تصاعدي اركبيه اذا تنازلي لا تركبينه لانه بيرجعك ورى وانتي تبين قدام .. :jic9:



واللي عندها اي استفسار تتفضل وتقول وراح نجاوب عليها بآذن المولى :jicb44:

مششاعل 07-12-2014 07:47 AM

مساء النور
حلو شرحك بكل حاجة مشكورة ماقصرتي
وزين انو السكن راح يكون التنقل بالمترو ما كنت عارفه هالشي توقعت السكن بعيد عن الحرم الجامعي
بس لسا مافهمت للمترو اعتقد لمن نداوم راح نفهم😁
وحابة اسال فيه اختبار ثاني تحديد مستوى ولا بس هذا اللي اختبرناه ومافي غيره

رزآآآن 07-12-2014 11:44 AM

اقتباس:

المشاركة الأصلية كتبت بواسطة مششاعل (المشاركة 88677)
مساء النور
حلو شرحك بكل حاجة مشكورة ماقصرتي
وزين انو السكن راح يكون التنقل بالمترو ما كنت عارفه هالشي توقعت السكن بعيد عن الحرم الجامعي
بس لسا مافهمت للمترو اعتقد لمن نداوم راح نفهم😁
وحابة اسال فيه اختبار ثاني تحديد مستوى ولا بس هذا اللي اختبرناه ومافي غيره

مافي غيره :jic90:

إيدو~ 07-12-2014 07:37 PM

اقتباس:

المشاركة الأصلية كتبت بواسطة مششاعل (المشاركة 88677)
مساء النور
حلو شرحك بكل حاجة مشكورة ماقصرتي
وزين انو السكن راح يكون التنقل بالمترو ما كنت عارفه هالشي توقعت السكن بعيد عن الحرم الجامعي
بس لسا مافهمت للمترو اعتقد لمن نداوم راح نفهم😁
وحابة اسال فيه اختبار ثاني تحديد مستوى ولا بس هذا اللي اختبرناه ومافي غيره

هلا مشاعل .. :jic83:
صدقيني لما تروحين راح تفهمين وترى مو عيب تسألين اي بنت كلهم راح يفيدونك ..
السكن يدخلون له من محطه A4 يمشون بالمقصوره بس مدري كيف نظامهم بالدخول والخروج

واختبار تحديد المستوى واحد بس:icon30:

نقآء 07-12-2014 09:05 PM

بس ثلآث مواد اللي ندرسها في ترم واحد ؟؟؟

ووش مادة الصحة تكلموا لي عنها ي بنات !!

وجزاك الله خير صآحبة الموضوع 💜💜💜

مششاعل 07-12-2014 09:58 PM

اقتباس:

المشاركة الأصلية كتبت بواسطة إيدو~ (المشاركة 88704)
هلا مشاعل .. :jic83:
صدقيني لما تروحين راح تفهمين وترى مو عيب تسألين اي بنت كلهم راح يفيدونك ..
السكن يدخلون له من محطه a4 يمشون بالمقصوره بس مدري كيف نظامهم بالدخول والخروج

واختبار تحديد المستوى واحد بس:icon30:

انا خايفه يحطوني بلفل 1 واكيد تلقائي الترم الثاني بكون بلفل 2
وبعدها ما يقبلوني بعلم النفس سمعت لازم تكونين بلفل 3
وجدا ابي القسم هذا طموحي 😭

ساره عبدالله 07-12-2014 10:46 PM



يا بعد جبدي :jic85:
هذي المواضيع اللي تنقرا :jic85:
شكرًا مرة شكرًا الله يسعدك ياشيخه

يا مادة التربيه هذي اللي معقدتكم :jic49: بديت اخاف منها :jic49::jic58:
عاد أنا من النوع المسوّف درجة أولى
يبي لي أشوف لي حل ماينفع أجلس كذا بالجامعة :jic58:
و برضو ماجب أذاكر إلا قبل الاختبار بيوم أحس إني كذا أذاكر
لكن سالفة قبل باسببوع أحس اني جالسه ادش بمخي بلا استيعاب
مستحيل أذاكر شي قبل الاختبار بفترة أحس كأني ماذاكرت :Jic868:

و المترو كنت متخوّفه منه بس ركبته يوم رحت للاختبار
و اشوى كأني عرفت نظامه وحبيته والله حسيته كشخه :Jic868::jic40:

بسأل عن النادي بس لو عندك فكره :jic75:
تسجيل صح؟ ولازم رسوم مو أدخل وبس :jic58:؟
ويقدرون الطالبات اللي مو في السكن يروحون له ولا بس طالبات السكن :showoff:؟

Shizuo 07-12-2014 11:23 PM

مساء الخير
عندي سؤال عن اللوكر
سمعت وحده تقول ان اللوكرات بالجامعه عندنا قليله
وطبيعي كم بنت يقطون بوحده!
صح هذا الكلام او لا؟


الساعة الآن 01:52 PM.

Powered by vBulletin® Version 3.8.7
Copyright ©2000 - 2020, Jelsoft Enterprises Ltd.
SEO by vBSEO 3.6.0
HêĽм √ 3.1 BY: ! ωαнαм ! © 2010
BY: ! BADER ! آ© 2012


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154