أنت غير مسجل في منتديات جامعة الاميرة نورة بنت عبدالرحمن . للتسجيل الرجاء إضغط هنـا
منتديات جامعة الاميرة نورة بنت عبدالرحمن
 
 

إعـــــــــــــــــــــــــــلانـــــات
فضلا من الطالبات عدم إزعاج المشرفات على الرسائل الخاصة ومن لديها أي إستفسار تضعه في القسم المخصص أو الشكاوى إذا كان خاص جداً ......               يمنع تبادل أي حسابات خارجية ومن تتجاوز سيتم توقيف الايبي الخاص بها نهائياً   


آخر 10 مواضيع
الموضوع الكاتـب آخر مشاركة
اون لاين سمية سالم محمود سمية سالم محمود

الموضوع الكاتـب آخر مشاركة
اون لاين سمية سالم محمود سمية سالم محمود

الموضوع الكاتـب آخر مشاركة
اون لاين سمية سالم محمود سمية سالم محمود

الموضوع الكاتـب آخر مشاركة
اون لاين سمية سالم محمود سمية سالم محمود

الموضوع الكاتـب آخر مشاركة
مرحبا بالجميع المحامي المحامي

الموضوع الكاتـب آخر مشاركة
معاني أسماء مدن المملكة العربية السعودية . N@gh@m N@gh@m

الموضوع الكاتـب آخر مشاركة
أرجو الإلتزام بقوانين المنتدى نقآآء نقآآء

الموضوع الكاتـب آخر مشاركة
التحويل الى كلية الخدمة الاجتماعية shams shams

الموضوع الكاتـب آخر مشاركة
بشرى لطالبات السكن انادانه انادانه

الموضوع الكاتـب آخر مشاركة
ضروري اريد حل ملامح توت nourauni

العودة   منتديات جامعة الاميرة نورة بنت عبدالرحمن > • منتدى السنة التحضيرية • > السنة التحضيرية

السنة التحضيرية || للجديد والنقاش ولطرح الأسئلة والاستفسارات والاقتراحات ، ورؤاكم وأفكاركم . ~

نسخ الرابط
نسخ للمنتديات
موضوع مغلق
 
LinkBack أدوات الموضوع انواع عرض الموضوع
قديم 08-23-2011, 07:59 AM   #1
إدارة المنتدى
:: إدارة المنتدى ::


الصورة الرمزية إدارة المنتدى
إدارة المنتدى غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Feb 2011
 أخر زيارة : 10-29-2019 (12:58 AM)
 المشاركات : 285 [ + ]
 التقييم :  88
لوني المفضل : Cadetblue
افتراضي شكلك .شعرك .شنطتك .للجامعه



بسم الله الرحمن الرحيم
والصلاة والسلام على اشرف الانبياء والمرسلين
بداية .. كل عام وانتوا بخير مقدما بمناسبة رمضان
والله يعيده علينا وعليكم اجمعين بصحة وخير ونعمه
موضوعي بتكلم لكم فيه عن :
الجـــامعه من أ الى ي ( تقريبا )
سواءً بطريقة لبسك وشعرك واسلوبك وتعاملك ....


حبيت انوه على شي قبل ما ابدا
ان اللي بكتبه هنا ترى هذا تفكيري وستايلي انا
فـ مو مجبور احد يتقيد فيه او يقعد ينتقد او يعلق
بس حبيت اقدملكم كذا نصيحه لعل وعسى تفيدكم

اول شي طالبات السنه التحضيريه المتخرجات لسى من الثانوي
لازم تعرفين كذا شي , اولا ان المدرسه شي والجامعه شي ثاااااااااااااااااني
من كل النواحي مختلفه ت م ا م ا
بما ان مرت علي 4 سنوات وانا بالجامعه وكان دخولى لها كبدايه لى من الصفر
يعني ما كان عندي خلفيه بتااااااااااااااااتا
واللى كان مفروض اعرفه وانا بسنه اولى , ماعفرته الا بسنه ثاني او ثالث
تمنيت في احد كان يعلمني ايش اسوي او كيف اتصرف
حتى مستواى الدراسي في اول سنتين كان نازل مرره وتوني تاقلمت عليه مؤخرا
ف اول شي لازم تعرفينه يابنت التحضيري .. انك مسؤوله عن نفسك
انسي حركات مراقبه تقول عذر مدري غيابي مدري شتسوي
انسي حركات مدرسه تذكرني باختباري وتعطيني واجب وتزيدني درجات
انسي انك في مجتمع مكون بس من 600 بنت وكل المدرسه تعرفينها وكلها تعرفك بسبب قلة العدد
انسي حتى ان الصديقات ممكن يكونون كلهم حليوات ووفيات
انسي انك بمدرسه وبالطقاق ايش بتسوين شعرك وايش بتلبسين

كمقدمه لموضوعي ,, عندي كم ملاحظه ونصيحه
ابيك كل شي تغيرينه فيك .. كل شي تنسينه .. كوني نفسك بنفسك
اول شي كوني ( ذكيه )
س : ايش قصدي بـ ذكيه ؟!
ما ينلعب عليك .. ما ينوخذ حقك .. محد يسحب عليك او يهمشك
بتصادفين اشكااال وانواع من البنات وبتتعاملين مع ناس كثير
سواء بالبحوث بالواجبات بالامن بالمعاملات .. بكل شي
ماتثقين باي احد .. ولا تستأمنين احد على اشياءك

الصداقات !
اذا كان عندك صديقات بالجامعه ,, بتصيرين تحبين الدوام وبتصير لك ذكريات حلوه وبتتحمسين تداومين
لو كان عندك صديقات قبل وجوا معك بنفس الجامعه او حتى نفس القسم فهذا شي جيد ولكن لاتعتمدين على صداقاتك القديمه فقط

س : شلون يعني لاتعتمدين ؟
يعني لاتوقفين صداقاتك عليهم .. اقعدي تعرفي واعرفي من هنا للابد
لان لما تتخرجون ,, لو كنتى متعرفه على 10 يمكن مايستمر معك الا 2 او 3 والباقي نادر ماتشوفينهم
اذا تعرفتي على صديقات جدد لا تخلين لك صديقه وحده كل شي تقولينه لها
انسي هالموضوع عشان مايجي يوم وتنجرحين ولا تزعل منك ويصير ماعندك احد
كوني الذكيه اللى كل الناس لها لو احد تخلى عنها مو تضيع ومايبقى عندها احد

اخر موضوع تفتحينه لصديقتك هو ( المشاكل العائليه )
حاولى قد ماتقدرين انك ماتقولينها لاحد
ماله داعي احد يناظرك بنظره انك مسكينه وكذا الا اذا كانت صديقه ثقه
واذا كان عندك احد دايم تقولين له عن مشاكلك العائليه , لا عاد تقولين عن هالمشاكل لاحد ثاني
يعني انا عندي عدد معقول من الصديقات الكلوز مني اللى ادق عليهم
( لما اقول ادق قصدي انهم كلوز لاني ما اكلم أي احد )
يعني صديقه للسوالف عن الجامعه والمواد, صديقه عن الطلعات والسوق , صديقه عن الملابس , صديقة اشكيلها صارلي موقف مع احد وكذا صديقه للضحك وسعة الصدر
يعني ما احددلي بنت و كل هالسوالف معها ..
حاولى ان محد يتحكم فيك ,, محد يحتقرك
دايم اشوف شلل بنات يمشون ووحده باالاخير تلحقهم او مو معطينها وجه
حاولى انتى تكونين الليدر .. يعني يشاورونك يسالونك مب اذا قرروا يعطونك خبر ولا مايطقونلك خبر من الاساس

الموضوع يطول شرحه جداااااااااااااا ومالى خلق افصل فيها لا اقلبها روايه الحين
اصلاه مب مكانه هنا .. بس يوزوز بخاطري من زمان

ندخل لموضوعنا الاساسي
( شكلك الخارجي ) طال عمرك

اول شي في هالموضوع
لاتصيرين على ستايل واحد
ابدددددددددددددددددددددددددددددددددددددددددددددددد ددددداااااااااااااااااااااااااااااااااااا
يعني..
وحده بالكليه معنا ستايلها :
بلايز كم واسع , شيفون , كعب صغير او صندل مفتوح شنظتها تمسكها بيدهاا
حلق طويل وروج احمر وشعر مفروق بالنص ورابطته كعكع كبيييير ذاك المفرغ
طول عمرها

والثانيه ستايلها تيشيرتات اولاد وطوق بس لا اكسسوار ولا مي كاب حتى ماتمشي بشنطه

والثالثه شعرها مسويته نص وماسكته بشباصه
وبلايز بكم طويل . طبعا لا اكسسوار بس ساعه ولا ميك اب

شدعوا يبووووي ؟
ليه الكابه وضيقة الصدر

ولا جتنا البنت الكشخه اللى تقول انا ما اتمكيج للجامعه .. خير مع الصبح احط روج ؟ شدعووووووووووووووووووا
ياللى لو حطيتي الحين بتسدحينا
<< سلكوا تحمست واضح اني منقهره من الاشكال اللى عندناا

نسنتنج 3 نصايح من هذا الحكي :
اولا لا تقعدين على ستايل واحد مهما صار , ان شاءالله تموتين بس ماتقعدين على ستايل واحد
ثانيا لاتصيرين اوفر وبالميك اب ولا تقللين بزياده
ثالثا ان شفت شباصه توطوط بالكليه حشيت رجولها حش


راح نشرح كل استنتاج
1- ستايلك لازم تغيرينه :
مره سبور – كاجوال – رسمي ... الخ

س: كيف اخليه سبور ؟
البسي شوز ابو خيوط ( اسميه كذا ) يسمونه كاوتش او سنيكرز
بولو شيرت او تيشيرت مرتب .. شنطتك خليها على كتفك الموديلات اللى تجي كبيره زي ذي


او الكروس بودي .. تحطينها عالجنب او تمسكنها بيدك


خاتمين وساعتك طبعا ,,
حلقاتك
ارفعي شعرك كعكع فوق ,, ممكن تفرقينه بالنص وكعكع فوق
كم سلسله مرتبه


جاكيت بوي فريند وبودي خفيف تحت دخليه جوا التنوره
مع كم سلسله وكم خاتم ..
وشوز مفتوح


س:طيب والرسمي كيف بيصير ؟
ممكن قميص وبلوفر او قميص جوا التنوره
ممكن بلوزه ضيقه وشنطتك تمسكينها


بس طبعا هذا كله مو شرط انه يكون زي اللى قلته
يعني ممكن الرسمي تلسبنه مع شنظه عالجنب وشعر مسويته نص بربطه مو شباصه

.... الى اخره


نقطه حبيت انوه عليها للي ناوين يشترون للجامعه :
للى مايشترون ماركات .. حبيباتي لا تشترون تقليد وانتوا ماتدرون والله يطلع شكلكم بشع
س: وش تقصدين ياترللي ؟
قصدي .. ان في بنات مو نيتهم يشترون ماركه ولا تقليد حتى .. يبون شنطه مرتبه وبس
ولكن للاسف تلقينها شاريه شنطه فندي او شانيل وهي ماتدري انهم ماركات اصلا
وتجي من اللى اشكالها واضح تقلد فياثر على ستايلها
حرام والله
بفيدكم بهالشي باخر موضوعي ,,
طيب .. ايش اللى مفروض تشتري أي وحده جامعيه ؟ يعني سواء اول سنه لها او كبداية سنه جديده ..

-شوز سبور او المفتوح



– شنطه الموديلين اللى فوق ( طول السنه )

– جاكيت جينز ( طول السنه )


– كارديقان نقول بيج يناسب كل الالوان او اسود او اثنينهم او بلوفر


– 4 سلاسل 2 على فضي و 2 على ذهبي واحد بتعليقه حلوه وكبيره وواحد بتعليقه صغيره او بدون او واحد منهم بسلسه طويله
- تنورتين احتياط ( طول السنه والسنتين والثلاث بعد )
- عبايتين للى يهتمون بهالموضوع ( طول السنه )
- حلقات 2 فضي و 2 ذهبي
- مناكير عنابي وبيج
- خواتم
- ساعتين على فضي وذهبي ( طول السنه )
- 3 قمصان عالاقل .. منوعه بين التشجير والساده والواسع
- تيشيرتات
- نظاره شمسيه ( طول السنه ممكن .. اذا كان عليها القيمه وماتستفيد منها برا )

يارب مانسيت شي

بس هذي الاساسيات ومع الايام بتشترين اشياء زياده

بس كبداية هذي لازم تكون عندك واللى مكتوب طول السنه .. ممكن تشترين واحد بالبدايه وبالترم الثاني تشترين ثاني





والاصفر ماغيره
والالوان الفسفوريه
الموف


الالوان اللى لازم تكون عندك :
ابيض – اسود – بيبي بنك – بيج – بني – سماوي – كحلي – بني –.... الى اخره

الميك اب ..
ارواجك : اساسياتك 3 :
عنابي ( ارجح حق ماك )
لون وردي مدري شلون جاي بس اللى نفس درجة الروج السحري احبه واجسه مريح للنظر ويناسب جميع الالوان
والبيج او وردي على بيج ( يعني لون قريب من بشرتك )

اللى ابيك تشيلينه من راسك وتنسينه الاحمر الناصعع
X
على طاري هاللون .. تذكرت في فئه بالكليه معنا تجي اشكالهم كذا
شعر اسود ناعم مفتوح – كحله سودا من فوق وتحت – بيضا بياض الثلج ماشاءالله – وروج احمر زي هالدرجه ومناكير نفس الرده –
وكللل يووووووووووووووووووووووووووووووووووووووووم
ما احب هالستايل اصلا .. احسه اوفرررر
يبيلها فستان اسود وتروح بارتي شكلك .شعرك .شنطتك .للجامعه 136.imgcache.gif

>> هذا الشخص مايحب الستايلات التقليديه

بعد الروج البلاشر ..
على بيج وعلى بنك يكفي ..

الكحل ..
يا من فوق . يا من جوا يا تركواز جوا عينك ( احيانا ناس تضبطه ويطلع حلو )
او فضي فوق >> كان موضه اخرس مستر فما ادري بيستمرون عليه او لا
( للى تحب تحط التركواز جوا عينها انصحها تحط داخل العين كحل اسود وتحته شوي تحط التركواز,, يعني لاتحط التركواز بدون الاسود )
او بدون ,, حلو اللوك الطبيعي

حواجبك ..
هذي بلحالها يبيلها موضوع بكبره .. ووحده من البنات ماشاءالله تبارك الله وفت وماقصرت .. كتبت موضوع كاامل وشامل

اول شي لاااااااااااازم تعرفين ان راس مالك حواجبك
مهما لبستي وكشختي وما سويتيها ماراح يطلع شكلك حلو
لازم كل يوم تتاكدين انها مرتبه ( كل يوم مب كل شهر )
واسبوعيا تسوينها عالاقل.. لان في ناس شعرها يطلع بسرعه ..
طبعا أأيد التشقير ولا انصح لا بالقص ولا النمص استغفرالله مايجوز
ما اتخيل انى انا بنفسي اطردني من رحمة الله ..
وبعدين في وسيلة بدال النمص فليش الجأله اصلا .. عشان حواجبي شعرها كثيف وتطلع تفشل ؟؟؟؟؟؟؟؟؟
هذا الشيطان اللى يخليها شينه بنظرك .. بس لو انك ترتبينها وتعرفين تسوينها كل يوم وماتحفين لاجل ارضاء الله كان حلا بعينك التشقير
>>كني طلعت برا الموضوع

نجي لاخر شي شعرك ..
اهاااااا .. اول شي : دعوه الى كل بنت شعرها مو ناعم – مجعد – منفوش –
اللى مهما استشورتها مايطول الا وهو نافش
تروح الصالون وتطلب يا كيراتين يا ريلاكس ( خفيف ) عشان مايبين انه مملس ويطلع موقف
واللى عاجبها شعرها وخايفه يصير واقف .. تروح تسوي الجذور بس
كثير اشوف بنات مايعرفون يهتمون بشعورهم مع انه نص جمال المراه فيه
- نوعية شعرك عدليها بالريلاكس والاستشوار
- انسي الشباصات ,, شيليها من بالك وحركات تطقمين الشباصه والبدي والحلق والشراب اصفر مدري احمر انسيهاااااااااااااااااااااااااااااااااااااااااااا
- الصبغه لازم تناسب وجهك..
حركات بروح الصالون واقولها اصبغيلي بني وهاي لايت شقرا انسيهاا
ما عليك من الكوافيره اذا قامت تمدح .. اكيد شغلها وبتمدحها
بعدين هذي تكبرك بالعمر ومو أي احد تناسب بشرتها
مو أي درجه ..
- لاتصيرين على تسريحه وحده عشان اذا غيريتها مايستغربون منك البنات خلك متجدده دايما
مره اربطيه ذيل حصان مره مفتوح طبيعي مره ستريت مره كعكع مره بـغره مره استشوار مره كيرلي مره سويه نص .....
- اللى متعوده تربط شعرها بالشباصه خل تستعمل ربطه .. تمسكه شعرها بالنص وتربط كعكع بالربطه
ولا ارووووووووووووع من هالتسريحه..او لميه تحت كله بربطه او حتى فوق
- حركات شعرك القدله مستشورتها ومن وراه مسويته كيريل انسيها
- مره جيبي ربطة الشعر حتى كشك نوران يبيعها ( الباند / بندانه )
نوعي فيها وحده مشجره وحده ساده .. مره تعطي شكل وتغير بالوجه
بس مو تعلقين عليه عالاقل يوم كذا ويوم كذا
- شيلي حركات المبزره اللى بكلات صغار تجي 10 حبات سوا
في بكلات لو لو لو تبين.. تجي اهون شوي مب بنفسجي طقم البدي طقم الشراب الى اخره
- لازم شنطتك وغرفتك مايخلون من البنس السودا ذيك ماغيرها
وعبي شنطتك فيها عشان حركات شعرها طايره ولا قومة الصبح وما امداني .. الا انتى حاطه احتياطك من بنس و ربطه صغيره

اظن اني بكتفي لين هنا عن الشعر .. طولت

منقول



a;g; >auv; >ak'j; >gg[hlui



 

قديم 08-23-2011, 08:02 AM   #2
إدارة المنتدى
:: إدارة المنتدى ::


الصورة الرمزية إدارة المنتدى
إدارة المنتدى غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Feb 2011
 أخر زيارة : 10-29-2019 (12:58 AM)
 المشاركات : 285 [ + ]
 التقييم :  88
لوني المفضل : Cadetblue
افتراضي



طيب نجي لموضوع الشنطه ..


س: مازا يوقد في حقيبتك ؟!!
- عطر النهار ( ريحته خفيفه )
- بوك مرتب حطي فيه مبلغ معقول .. لو نزلت ملازم الا فلوسك عندك, لو تبين شحن لجوالك ضروره الا فلوسك عندك .. مب تعبينها مئات احتياطا لا قدر الله وانسرقت شنطتك ماتتحسفين وشيلي بطاقة الاحوال او البطاقات المهمه
( على طاري البوك والفلوس .. انا دايم اودي مبلغ مابين ال 30 الى 70
ومرات فجاه تطير كل فلوسي واعطش او ابي اكل وابتلش .. كذا مره صارلي الموقف صرت اخبي 5 في واحد من جيوب البوك وما اخذها ابد الا وقت الضروره ... ياااااااوك والله تنفع )

- ال ID حقتك ( بطاقتك الجامعيه ) خصصيلها جيب في شنطتك عشان تعرفين مكانها وتطلعينها بسرعه ولو تعلقين لها تعليقه افضل .. واحلى شكل عليك تخليك سبور .. ودايما قبل لاتركبين السياره شيكي عليها انها معك ولا تطلعينها من شنطتك ابد حتى لو جا الويكند ..

- شنطة الميك اب .. وانوه انها شنطه صغيره مب تشريحه كامله ومكياج الزواجات كله جايبته .. اشتريلك شنطتين شنطة مكياجك كله للبيت ماتطلع منه وشنطه صغيره تحطين فيها مكياجك اليومي ..
مثلا انا في شنطة مكياجي للدوام :
حاطه فيها روج ماينشال منها لونه زي لون الروج السحري المخيس ذاك
حسافه لونه حلو بس يسود ..
قلم حواجي اهم شي بالدنيا عندي لان احيانا مع العجله وكذا ما يمديني ارتبها اصير لاوصلت اعدلها شوي بالدوام ..
وبس .. احيانا اودي البلاشر حقي مع اني ما احب اكثر يطلع حبوب وكلف بس مزاجات السالفه ..
على طاري البلاشر ترى كثرته مهيب زينه واكبر غلط اننا نحطه ومانحط تحته شي يعني اساس او واقي لانه يدخل بالبشره ويعدمها..
على طاري الواقي حاولوا الكل يصير عنده واحد خاصة اللى جامعاتهم مكشوفه ويتعرضون للشمس كثير .. لانك لما تتخرجين بتشوفين كيف الكلف لاعب بخشتك لعب وشوفي وش يوخره عااد .. انسي

- قلم رصاص او ماركر .. او اللى عدتها واجد تجيب مقلمه مرتبه او شنطه مرتبه صغيره وتحط اوراق النتز فيها والاقلام ..
حركات تقططين في شنطتك كل شي برضو انسيها .. لازم تصيرين مرتببه

- منديل صغير

- زي ما قلت ربطة شعر وبنس .. برضو حطيها مع شنظة الميك اب

- مفتاح اللوكر او البيت في جيب صغير لاتقطينها وبس .. حطيها بنفس جيب البطاقه ..

- اذا كنت موديه المق حقي اجيب معي كيس صغير واسفطه عشان اذا شربت الكوفي وخلصت .. حطيته داخل الكيس وبعدين بالشنطه عشان ما يرطرط علي او انساه >> قد نست 100 واحد بالجامعه

- دفتر حجمه يكفي لكل شنطك تكتبين فيه كل شي .. جدولك موعد تسليم البحوث عدد غياباتك محاضراتك
>> هذا للى زي .. لان ماعندنا حركات كتب كثيررره ودفاتر وحوسه .. دفتر واحد بس يكفينا ..
بس اللى عدتها واجده ,, بدال ماتحط كل كتبها بالشنطه ,, انصح انها تشتري ملف وتحط اوراقها وحوستها وكتبها كلها فيه بس تتاكد ان اطرافه ما تشقق شنطتك .. او خذي ذاك اللى يجي كرتوني مدري شلون حلو

وبس ..
اتوقع ان هذي شنطتي ما اتذكر زين

وبكذا اكون انتهيت من موضوعي المتواضع جدا والسررررررريع وال مو مرتب
بس كنت مستعجله لاني ابي انزله قبل لا يجي رمضان ولا تبدا الدوامات ,, يمدي الواحد يشتري ويجهز

وبالختام يارب موضوعي ساعدكم لو شوي بس ,, والله يوفقكم ويسهل عليكم اجمعين



**للأمانه الموضوع نقلته من منتدى ثاني للفائــده ومرا شكرا لصاحبته ..نقرتين لعرض الصورة في صفحة مستقلةنقرتين لعرض الصورة في صفحة مستقلة


ويااااارب يسهل عليكم وآي استفسار انا بالخدمهنقرتين لعرض الصورة في صفحة مستقلة

منقول


 

موضوع مغلق

مواقع النشر


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: شكلك .شعرك .شنطتك .للجامعه
الموضوع كاتب الموضوع المنتدى مشاركات آخر مشاركة
شعرك قصة الطول والعرض - نصائح لبشرة وردية ونضرة - ماسكات طبيعية لعلاج مشاكل البشرة و الداعية الى الله تعالى • مملكتي للزينة والجمال ≈ 4 05-09-2013 08:05 PM
نقل للجامعه .. بنت نجد السنة التحضيرية 1 09-05-2012 08:42 PM
للي يبون يروحون للجامعه ويضبطون جدولهم T0fh عمادة القبول والتسجيل 12 08-31-2012 04:44 AM


الساعة الآن 09:18 PM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd.
SEO by vBSEO 3.6.0
HêĽм √ 3.1 BY: ! ωαнαм ! © 2010
BY: ! BADER ! آ© 2012

     



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154